Дагестанмӕ арвыстой гуманитарон ӕххуысы ног парти

Дарддӕр ӕрвыст цӕуы гуманитарон ӕххуыс Дагестаны цӕрджытӕн. Абон "Фыццӕгты змӕлд" цалдæр ӕхсӕнадон организациимӕ иумӕ æрæмбырд кодта радон парти. Нуазыны дон ӕмӕ ӕнӕмӕнгхъӕугӕ хӕринӕгтӕ. Сывӕллӕттӕм — хицӕн хъусдард. Балӕвар сын кӕндзысты ахуыргæнæн хъазӕнтӕ. Хъуыддаджы зӕрдиагӕй архайдтой бархионтӕ, фӕсивӕдон иугӕндты минӕвӕрттӕ. Мадзаларазджытæ куыд зæгъынц, афтæмæй ахӕм акцитӕ фидар кӕнынц кӕрӕдзийӕн ӕххуыс ӕмӕ социалон бӕрнондзинад.